Murolo - Tagliaferri


'A canzone d''e stelle, stasera,
p''o mare 'e Napule,
voglio cantá...
Doce è 'o viento...
'a varchetta è liggiera...
'nnante Pusilleco
mme porta giá...
Giá se sentono voce e chitarre...
tu, Marí', staje 'npenziero pe' me...

Senza luna, a riva 'e mare,
quant'è bello a fá ll'ammore!
'Mmiez'ê stelle cadute, stasera,
ne teng'una 'int''e bbraccia...si' tu!


Che nuttata d'ammore! Mme pare
ca tutta Napule
canta cu me!...
Ciento stelle,
sperdute p''o mare,
-...bella, annascùnnete...-
cercano a te...
Ma stu core te tene attaccata:
Sulo 'a morte ce sparte, Marí'...

Senza luna, a riva 'e mare,
...........................................