Giuseppe Capaldo


Mo ch''a marina 'e Tripoli è d''a nosta
n'ata Santa Lucia n'avimm''a fá:
Attuorno â riva tutte risturante
cu 'e puóste 'e ll'ostricare 'a ccá e 'a llá!
E tanta voce belle pe' cantá!

Accussí sti Ttripuline,
accussí sti Ttripuline,
nc''e ffacimmo paisane,
nc''e ffacimmo paisane...
Tanto cchiù ca só' schiavone,
'e vvestimmo 'a Luciane...
'E vvulimmo fá cantá...
Napulitano!

E chi se prova a fá ll'ammore a mare,
comme p''o mare 'e Frisio se pò fà,
(Cantanno, dint''a varca, na canzone
cu na brunetta ca se fa vasá...)
cunosce paraviso e civiltá!

Accussí sti Ttripuline,
....................................

E quanno 'o Tripulino piglia gusto
d''o vermeciello a vongole 'e munzù,
d''o purpetiello 'e scoglio 'int''a cassuola,
d''o pullo â cacciatora e d''o rraù...
Nemmeno a Maometto crede cchiù!

Accussí sti Ttripuline,
....................................