De
Curtis
Pe' destino mme trovo a
Surriento:
Fore mura, int'ê ffrasche, 'int'ê rrose...
addó' penz'i'
ogn'ore e mumente,
addó' maje nun mme stanco 'e cantá...
Si cunusce stu
suono 'e 'sta voce,
si capisce io che voglio da te...
Arape sti
pporte:
te voglio vedé!
E' passato giá n'anno d'ammore
e,
cu 'o tiempo, se scorda ogne male...
Quanta strazie mm'hê dato a stu
core,
quanta notte mm'hê fatto scetá!
Si cunusce stu suono 'e 'sta
voce,
si capisce io che voglio da te...
Arape sti pporte:
te voglio
vedé!
Mme risponne na voce 'a luntano:
Nèh, cumpá', pe' chi
cante e suspire?
T'hê scurdato addó' sta Tramuntano?
'A cchiù bella
picciotta sta llá.
'Sta canzone che cante è perduta,
manco ll'aria se
smove da ccá!
'E pporte só' chiuse:
Haje voglia 'e cantá!