Canetti - Valente

Stavota, siente a me, te si' sbagliata!
Tu si' felice? E io cchiù felice 'e te!
Mm'aggio truvato n'ata 'nnammurata:
Chella ca overamente fa pe' me!

Cchiù bella 'e te,
no, nun è nata ancora...
ma è 'nnammurata e sòra
chesta ca sape chiagnere...
Bella nun è,
ma è n'anema sincera...
Cride ca tutte tènono
n'anema nera
comm'a te!

T'aggio lassato e nun mme pare overo
ch'aggio tenuto 'a forza 'e te lassá...
Ma cierti vvote stongo accussí allèro
ca mm'addimmanno io stesso: E comme va?!

Cchiù bella 'e te,
............................

E comme chiagne 'a 'nnammurata mia
quanno mme vede 'e ridere accussí!
Mm''a legge dint''o core 'sta buscía
e nun perdona a chi mme fa suffrí...

Cchiù bella 'e te,
...........................