Na bella campagnola, ògne matina,
appena sponta 'o sole da 'a muntagna,
addenucchiata 'mmiez'a na campagna,
se mette a tagliá ll'èvera,
spassánnose a cantá...

Campagnó', si mme vuó' bene,
nun ce serve 'o lietto 'e sposa:
'Ncopp'a st'èvera addirosa,
è cchiù bello a stá cu te...
E' cchiù bello a stá cu te!

'Sta campagnola è comm''ha fatt''a mamma:
na rosa 'mmiez'a ll'èvera schiuppata...
sultanto 'o sole 'ha vista e ll'ha vasata
e ll'aucielle, attuorno,
'a 'mparano a cantá!

Campagnó', si mme vuó' bene,
nun ce serve 'o lietto 'e sposa:
.................................................

'Mmiez'ô silenzio verde 'e 'sta campagna,
ca spira tanta pace e sentimento,
cu 'addore 'e ll'erba fresca ca se sente,
mme vène, 'a dint'a ll'anema,
'o genio d''a vasá!...

Campagnó', si mme vuó' bene,
nun ce serve 'o lietto 'e sposa:
.................................................