Vola canzone e va', doce e curtese,
pe' cielo e mare,
pe' ll'aria 'e chesti mmatenate chiare...
Di' a tuttuquante: "Vengo 'a nu paese
addó' se gode meglio 'a giuventù..."

E, fino a quanno
ce sta ancora Napule,
dincello, va'
dincello, va'!...
"Uocchie ca chiagnono,
core ca soffrono,
nun ce hann''a stá!"

Canzone mia, te scrivo pe' tramente
nénna sta allèra,
e tengo 'a vocca soja pe' Primmavera...
Tengo, pe' sole, ll'uocchie suoje lucente,
ll'arbere 'e pigna e 'o mare attuorno a me...

E, fino a quanno
ce sta ancora Napule,
...................................

Vola canzone, addó' nun truove sole,
né primmavere,
e parla 'e chesti mmatenate allère...
Porta 'a prijezza 'e tutte sti ffigliole
che cámpano d'ammore e di' accussí

ca, fino a quanno
ce sta ancora Napule,
...................................