Tu che mm'hê fatt'a me,
ca io nun mme fido 'e stá?...
ca n'ora senza 'e te
nun pòzzo arrepusá?...
Si tu te cride, oje né',
ca io voglio repassá...
t''o ppòzzo fá vedé,
t''o ppòzzo fá tuccá...

E miette...
e miette...
e miette na mana ccá...
e vide che ce sta,
e siente che te fa...
e miette...
e miette...
na mana 'ncopp''o core
e vide chist'ammore
che sape cumbiná...

Io quanno veco a te,
fernesco 'e ragiuná...
si staje vicino a me
mme sento 'e cunzulá...
Vurria sulo sapé,
vulesse andiviná,
ll'effetto ca fa a me...
si pure a te t''o fa...

E miette...
e miette...
.................

Fa' chello ca dich'i'...
nun te fá cchiù pregá:
Cu 'o scuorno, 'o vvuó' capí?
ll'ammore nun se fa!
Sti bbracce 'e vvuó' arapí?
'sta vocca mm''a vuó' dá?
Astrígneme accussí...
e nun tremmá!

E miette...
e miette...
.................