Nénne belle 'e stu bellu paese
cantate, cantate, felice cu me...
Primmavera ve porta p''e ccase
na smania 'e calore...va' trova ched è?!
Só' sti rrose ca maggio ha purtato pe' te!
Rose 'e maggio...e che bellu buchè!

Chist'è 'o mese d''e rrose,
chist'è 'o mese 'e ll'ammore...
se fa ll'aria addirosa
e nénna scuntrosa,
scuntrosa nun è...
Chist'è 'o mese d''e vase,
vase ardente e azzeccuse...
Si dimane mme sposo,
mm''a piglio cu 'e rrose,
cu maggio...e cu te!

Mm'aggio fatto na casa ô paese:
nu nido annascuso cu 'o bellovedé!
E' na casa ca sta 'nparaviso
nu regno 'ncampagna ch'è degno 'e nu rre...
Nove mise ce vonno pe' fá nu bebé...
ma cu st'aria, n'abbastano tre!...


Chist'è 'o mese d''e rrose,
..........................................