OMBRA SI' TU

Canetti - Valente

Mo ca te si' cagnata anema e core,
dimme, che faccio cchiù vicino a te?
Si tu, 'o cchiù bellu suonno 'e chist'ammore,
nun ll'hè capito...che si' cchiù pe' me?
Pena ca mme daje pene...
Bene ca male si'...

Ombra,
pe' me si' n'ombra
ca, sculurita, va p''a strada soja...
Niente, pe' me si' niente...
E' nu capriccio chesta vita toja...
Si mm'hê lassato tu...
Chiagne?
Che chiagne a fá?
Piérdete...e va...

Si mo te dico na parola 'e bene,
tu nun mme siente e te ne ride 'e me!
Io sulo saccio 'o core ca tu tiene...
povero a chi s'affida 'mbraccia a te!
Vase...tante ne daje...
ma avvelenate só'!

Ombra,
pe' me si' n'ombra
..............................

Si pe' capriccio, si pe' gelusia,
te parla 'o core e pienze 'e turná a me...
Guarda ca n'ata è tutta 'a vita mia...
n'ata ca, forse, è cchiù sincera 'e te!
Bella...nun si' cchiù bella...
tutto hê perduto tu!


Ombra,
pe' me si' n'ombra
..............................








<