PREGHIERA A 'O SOLE

C. Rumolo - S. Bruni

Sole ca faje passá 'a malincunia,
quanno da 'o cielo scinne e scarfe 'e ccase...
Viene nu poco pure â casa mia,
è tantu tiempo, ca tu nun ce trase!

Viene, viene...
te stó' aspettanno!
Sole bello,
nun mme fá cchiù pená!

'A primmavera nun mme dá calore
nun sento cchiù ll'addore d''e vviole
Viene, fa' ampresso famme stu favore
'Sta vita nun è vita senza sole!

Viene, viene...
te stó' aspettanno!
Sole bello,
nun mme fá cchiù pená!