QUANN'UNO E' GUAGLIONE

Galdieri - Lama

Ma comme, ch'è 'a licenza elementare?
Nemmanco chella tengo! E ca pirciò...
tutt''e mmatine 'e spasso 'mmiez'ô mare
mo 'e mmaledico, mo!
Mo ca nu pato è tuosto...e nun lle pare
ca i' fosse nu partito...e dice 'e no!

Mannaggia 'e cumpagne,
Mannaggia 'e filone....
Quann'uno è guaglione,
nun penza...ma po'...

N'aggio vennute "Storia e Geografia"!
Tutte campagna e sicarette 'e tre!
Quanta libbrare stevano a Furía
mme sapevano a me!...
Guaglione, aggiu perduto 'a vita mia...
Mo, giuvinotto, stó' perdenno a te!

Mannaggia 'e cumpagne!
Mannaggia 'e filone!
Quann'uno è guaglione
nun penza...ma po'...

Ma, si nun tengo 'o studio o n'arte ê mmane,
tengo nu core ca vò' bene, sí!...
E, si ogge nun è, sarrá dimane...
pecché voglio accussí!
Ma, quanno è tanno, nun mm'accatto 'o ppane,
ma 'o piccerillo â scola mm''o port'i'...

Mannaggia 'e cumpagne!
......................