Surriento gentile,
suspiro d'ammore,
delizia 'e stu core,
tu si' nu buchè...

Cu 'addore 'e sti sciure,
cu 'e vase 'e stu mare,
'e ccose cchiù care
farrisse scurdá!

Surriento! Surriento!
Só' fatte pe' 'ncantá
stu cielo, sti ciardine,
chest'aria, sti mmarine...

Surriento! Surriento!
só' fatte pe' 'ncantá
stu cielo, sti ciardine,
chest'aria, sti mmarine...

Surriento gentile,
parole d'ammore,
stu cielo, stu mare,
suspira pe' te...

Pe' ll'uocchie cianciuse
d''e nnénne ca tiéne,
gelose, 'e Ssirene,
nun cantano cchiù...

Surriento! Surriento!
só' fatte pe' 'ncantá
stu cielo, sti ciardine,
chest'aria, sti mmarine...

Surriento gentile,
ciardino d''e ffate...
'a gente, 'ncantáte,
tu faje rummané!

Chi parte 'a luntano,
te penza scuntento...
e sonna 'o mumento
ca torna addu te...

Surriento! Surriento!
só' fatte pe' 'ncantá
stu cielo, sti ciardine,
chest'aria, sti mmarine...