Sfurtunatella mia, sfurtunatella,
si' sfurtunata assaje 'ncopp'a 'sta terra...
Cantava pe' n'ammore 'sta vucchella...
po', chill'ammore, se ne jètte 'nguerra...
e nun turnaje maje cchiù stu surdatiello...

Sfurtunatella, sfurtunatella...
stu core tujo nun vò' carrozze e ville...
fa 'ammore 'ncopp''e scelle 'e n'angiulillo....
Ma 'ncielo io veco, oje né', na brutta stella...
sarrá destino ch'hê 'a murí zetella...
Sfurtunatella...

Io saccio tutto 'e te, core 'nnucente..
cunosco 'a casa addó' tu chiagne assaje,
te trattano accussí malvagiamente
'a quanno papá tujo t'abbandunaje...
'a quanno tiene 'ncore stu turmiento...

Sfurtunatella, sfurtunatella...
chiù sfurtunata si' d''a sartulella,
cchiù sfurtunata assaje d''a cafuncèlla...
'ncielo ce sta, pe' te, na brutta stella:
Sarrá destino ch'hê 'a murí zetèlla...
Sfurtunatella!...

Ajere ô juorno, fore â Parrucchièlla,
stive fermata pe' vedé a na sposa...
Primma cacciaste quacche lacremèlla,
po' 'sta faccélla 'e chianto s'era 'nfosa,
meraviglianno 'e spuse e 'e ccummarelle...

Sfurtunatella, sfurtunatella...
chiù sfurtunata si' d''a sartulella,
cchiù sfurtunata assaje d''a cafuncèlla...
'ncielo ce sta, pe' te, na brutta stella:
Sarrá destino ch'hê 'a murí zetèlla...
Sfurtunatella!...

Sfurtunatella, sfurtunatella,
cchiù sfurtunata si' d''a sartulella,
cchiù sfurtunata assaje d''a cafuncèlla...
'ncielo ce sta, pe' te, na brutta stella:
Sarrá destino ch'hê 'a murí zetèlla...
Sfurtunatella!...