Cesareo - Lombardi

Bella, tu si' venuta a stu paese
da 'a Francia, che è paese furastiero...
'Ncopp'a sti scene nun pareva overo,
napulitano, 'e te sentí cantá.

Tu t'avvicine suspiranno: "Mon amour!"
e se 'ncatena stu core mio.
E po' mme dice chianu chiano: "Je vous aime..."
E po', tremmanno, te faje vasá...

E quanno parle tu, pecché mme 'ncante
cu stu ffrancese, ammore mio?
Cu 'e 'mmane 'mmano tu mme dice: "Je t'adore!"
no, nun è suonno ca só' felice...

Ma chesta vócca ca mme dice: "Mon cherie...",
si 'e me se scorda, mme farrá murí...

Stu "toi et moi" s'è fatto 'ntussecuso
e ce 'nzurfammo da 'a matina â sera...
dice ca mme vuó' bene e si' sincera...
ma è pe' sti scene ca tu mm'hê 'a lassá...

Tu t'avvicine suspiranno: "Mon amour!"