Bovio - Tagliaferri

FSi nun ce vuó' vení cu 'o carruzzino,
te porto a Piererótta in aeroplano...
Quanno scennimmo 'a cielo, 'int''o frastuono,
'a vócca, no...te mózzeco na mano...
E affitto, pe' fá sentere 'e ccanzone,
n'orchestra 'e Vascio Puorto...americana.

Tammorre e sax,
trummette e benge,
chitarre e gezz...

Na cosa nova,
na cosa fresca
ca tene nomme:
"Mmescafrancesca"

Basta ch'Ammore
ride e se spassa!...

Scétate, scétate,
scétate, scétate,
scetavajasse!

Te ll'aggi''a fá gustá cu 'o ppane 'e Spagna,
'e mmulignane e ll'uva d''a vennégna...
Dint''a na bella coppa di sciampagna,
te voglio abbeverá d'acqua zuffrégna...
Pe' via d''a siluetta tu nun magne
e te ne staje scennènno 'nzógna, 'nzógna...

Tammórre e sax
rummette e benge,
chitarre e gezz...

Na cosa nova,
na cosa fresca
ca tene nomme:
"Mmescafrancesca"

Basta ch'Ammore
ride e se spassa!...

Scétate, scétate,
scétate, scétate,
scetavajasse!

Comm'è sentimentale stu ritorno:
'o cielo è tutto trapuntato 'e perne...
Vásame 'mmócca, sta schiaranno juorno...
ma simmo 'e pastafrolla o simmo 'e carne?
Pe' nu vasillo, nun se perde 'o scuorno...
E pe' ll'ammore nun se va a ll'inferno...

Tammórre e sax...
rummette e benge,
chitarre e gezz...

Na cosa nova,
na cosa fresca
ca tene nomme:
"Mmescafrancesca"

Basta ch'Ammore
ride e se spassa!..

Scétate, scétate,
scétate, scétate,
scetavajasse!