Pisano - Cioffi

Comme putive dí: "Io pe' te moro?"
quanno sapive ca nun era overo?!
Comm'hê pututo chiagnere d'ammore
si 'e llacreme nun erano sincere!?
Nun t'è rimasto niente dint''o core?
Niente?...Nemmeno nu ricordo 'e me?...

Tutt''e ssere,
tu venive a 'appuntamento...
Mo ca nun ce viene cchiù,
mo ca nun ce viene cchiù,
io t'aspetto puntualmente...

Tutt''e ssere...
quann'ê vvote 'a luna sponta,
Io cu 'a luna parlo 'e te,
io cu 'a luna parlo 'e te...
Ma inutilmente...

Quanno sunava, a stesa, na campana,
dicive: "Voce 'e Dio mm'è testimone
ca io penzo sempe a te e te voglio bene..."
E mm'astrignive forte forte 'a mano...
E mo mm'hê 'a dí, si na campana sona,
si t'arricuorde 'e chesta 'nfamitá...

Tutt''e ssere,
tu venive a 'appuntamento...
Mo ca nun ce viene cchiù,
mo ca nun ce viene cchiù,
io t'aspetto puntualmente...

Tutt''e ssere...
quann'ê vvote 'a luna sponta,
Io cu 'a luna parlo 'e te,
io cu 'a luna parlo 'e te...
Ma inutilmente...